Tuesday, August 23, 2011
Napanaginipan ko kagabi na nagkaroon ako ng tumbler na ben10!
minsan lang ako makaalala ng panaginip, mas masarap matulog kesa managinip eh!
yung design ng gilid yung kagaya ng nasa left na image, pero yung takip kagaya ng nasa right na image! yung hindi natatapon yung laman kahit anong balibag mo! :D
Monday, August 22, 2011
NUNG NAGPAKUHA KAMI NG GRADUATION PICTURE!
Wednesday.
Mainit.
Kaya pati ulo ng mga "make-up artist" mainit din.
Nag-aaburido. 1pm daw ang start ng pictorial.
Pumasok kami ng room 1:05pm na. Sa pagkakakalkula ko, mga 5 minuto bago matapos ang 2nd bell ng school. (12:55pm ang first bell, 1pm ang second bell.)
Pinalabas kami.
1pm pa nga daw kasi ang start.
Nagtaka kaming lahat.
Gagraduate kami ng kolehiyo na hindi marunong tumingin sa relo.
Pero tama kami. Alam namin yun.
Maya-maya, pinapasok din nila kami,
Para daw mabilis nalang ang proseso pagdating ng photographer na hindi parin tapos kumain.
Pero sa tingin kong malabo, at sa tingin naming lahat, hindi naman talaga yun ang dahilan.
Nakita lang nila si Adrian (si Lakan), kaya pinapasok na kami at inayusan.
Syempre una si Adrian. Pag siya ang kasama namin, nagiging basura kami, nagiging anino, nagiging alalay, nawawalan kami ng pag-asa. Pero andiyan din naman si Oland (si RED/Daboy), back up! Sila lang naman ang mga artistahin sa batch namin. Kami... life is so unfair!
Madami silang nagme-make-up sa mga kukunan ng litrato, sabay-sabay, siguro mga kulang-kulang sila, mga kulang-kulang anim o pito. Nauna nga si Adrian. Sumunod si Maki, si Ingrid, si Oland, ako, kasabay ng iba pang mga kukunan. Tapos na lahat kami ayusan, pero si Adrian, hindi parin tapos! haha! Ang daming ginawa sa kanya. Ayos na ang buhok ni Adrian, pero inayusan siya ulit. Nang matapos, ang kapal ng make-up. Samantalang kami ilang dutdot lang ng foundation! Tapos na!
Sina Oland at Maki, inayusan sila ng buhok. Yata.
Ako, malaki ang pasalamat ko na hindi nagalaw ang pinakamamahal na buhok ko!
Hindi ko alam kung tamad lang talaga mag-ayos yung taga-ayos (simula umaga nandun na sila at nagme-make-up na ng mga kukunan) o pagod lang siya, o naka-hair spray na ako kaya matigas na buhok ko, o wala siya sa mood, o.. Ah, kay Adrian siya nakatingin, lahat naman sila! haha!
Ayun, natapos na rin kaming ayusan. Ah, hindi naman talaga kami inayusan, si Adrian lang!
Sina Ingrid, Jayanne, at yung mga babae, sila yung matagal na inayusan.
Nung kinukuhanan na kami, naguluhan ako. Sabi nung babaeng nag-aayos ng damit at posture namin, closed lips daw. Sabi naman ng photographer, BIG SMILE! Hindi ako talented pag dating sa ganyan, closed lips na big smile! Si Maki naman ayaw pangitiin nung babae! Si Adrian, inaantay ng lahat! haha!
Yung damit na sinuot namin, hiraman! Makati! Hindi pwede yung dala kong damit, itim eh. Kailangan daw light ang kulay kasi itim ang toga. Eh gusto ko sana all black. Eh picture ko naman yun, pinaghirapan ko yun ng ilang taon! Pero sige na nga! Nakabawi naman ako sa buhok.
Taga-ayos: Ganyan na buhok mo?
Ako: Opo.
Taga-ayos: Sigurado ka sa grad pic mo ganyan ang buhok mo?
Ako: Sige isa pang tanong! (Hindi ko yan sinabi, opo lang ang tanging lumabas sa mga labi kong malaki.)
Taga-ayos: Oh sige, kung ganyan ang gusto mo wala naman akong magagawa eh, gusto mo yan eh. Oh, upo, chest out ha...
Ayun natapos din. Apat na frames lang naman. Pero ang mahal ng bayad para sa damit na hiraman, kapiranggot na make-up, wala pang cap, at tatlo o apat na frames. Sana maganda ang pagkaka-edit. Hindi pa pwede manghingi ng soft copy nung litrato.
Naghilamos agad sina adrian at oland. Ako hindi na. Sa nipis nung foundation na nilagay sa akin konting ihip lang tanggal na agad!
Si Grace aba eto na naman, hindi na naman namin nakilala. Hihingan sana ng number ni Adrian eh!
Si Jayanne ang tagal dumating. Busy daw! Sows!
Pupuntang Masbate naiwan naman ng bus! Di pa kasi sumama samin! Ayaw niya din naman kaming isama!
Yun lang.
Subscribe to:
Posts (Atom)